Foto:
Binyamin Mellish/Pexels.com
Sy wonders sal altyd onthou word. Genadig en barmhartig is ons Here! (Psalm 111:4)
Baie mense probeer Christus navolg, maar hulle misluk klaaglik omdat hulle Hom nie ken nie. As ons Hom en sy werk liefhet, sal ons Hom bestudeer en sy weë ken. God het ’n oop boek gevul met alles wat ons nodig het om van Hom te weet en hoe om die ewigheid saam met Hom deur te bring en sy kreatiwiteit te geniet. Dit vra egter van ons om daardie boek oop te maak en die geskrewe Woord te verslind. O, om soos Hy te kan wees!
Here, U is die Een ware Skepper van alles. Help ons om U lief te hê en ook dat ons u talente so lief sal hê dat ons tot diep in die bladsye van u Woord sal reik en U sal toelaat om vir ons u tydlose waarhede te leer. Amen
