Gedagte vir die dag: Toekoms

vrede_berg_see_arms-uitgestrek_stiltetyd_pixabay.jpg

Foto: pixabay.com

“Ek weet wat Ek vir julle beplan het,” sê die Here. “Ek beplan voorspoed vir julle, nie teëspoed nie. Ek wil hê dat julle hoop vir die toekoms moet hê.” (Jeremia 29:11)

God rig jou treë. Hy weet wat vir jou voorlê op jou lewenspad, en net Hy kan jou lei op die pad wat vir jou die beste is. Al gaan daardie pad deur donker valleie of al lyk dit of dit onnodige draaie loop, sal jy eendag kan terugkyk en sien dat dit inderdaad vir jou die beste was. God maak klaar wat Hy begin. Moenie dat jou huidige probleme of beperkings jou blind maak vir die feit dat jou omstandighede geleenthede is vir God om in jou hart te werk nie. So lank as wat God vir jou ’n taak het om te voltooi, sal Hy jou lei na waar jy moet wees.

Is jy gewillig om ’n instrument in God se hand te wees?

Bron: Geanker in genade – ‘n Samestelling
Uitgewer: Christelike Uitgewersmaatskappy/CUM

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

2 Kommentare

jongste oudste gewildste
ameli

Amen. Dankie God dat U nog altyd daar is, al was ek kwaad oor my mamsie wat weg is weet ek U het my gedra

Mary Charlotte

Amen