Foto: Galleryhip.com
As ons beweer dat ons nie sonde het nie, bedrieg ons onsself en is die waarheid nie in ons nie. Maar as ons ons sondes bely – Hy is getrou en regverdig, Hy vergewe ons ons sondes en reinig ons van alle ongeregtigheid. – 1 Johannes 1:8-9
Skuldbelydenis is deel van ons groeiproses. Ons het nog nie volmaaktheid bereik nie. Johannes nooi ons uit om voort te gaan met die dissipline van skulderkenning en -belydenis (1:9).
Skuldbelydenis is een van die wonderlikste gawes wat God aan ons gegee het. Wanneer ons ons skuld bely, weet ons dat God ons geheel en al vergewe (1 Joh 1:9). Jesus ons voorspraak is die versoening vir ons sonde (1 Joh 2:1,2). Ons hoef nie weer op ons verlede terug te kyk nie, want God kyk nie meer daarop terug nie.
