Argieffoto.
“Daarom kan die koninkryk van die hemel vergelyk word met ’n koning wat besluit het om saam met sy amptenare hulle boeke na te gaan.” – Matteus 18:23
Genade is skokkend! As genade ons nie skok nie, het ons dit nog nie besef nie. Die Koning wat genade gee, betaal ’n skokkende prys om die geskenk daarvan, verniet, vir ons te gee. Sy boekhoustelsel klop nie, want Hy betaal die prys in ons plek.
Wanneer Jesus ons uitdaag om te gaan vergewe, mag dit wees dat ons onthou dat ons moet vergewe, soos ons vergewe is.
Delf dieper
Vergelyk Romeine 3:23 met Romeine 6:23 en beantwoord die volgende vraag: Hoe groot is my skuld voor hierdie Koning?
Lees Kolossense 3:13-14. Wat vra die Here vandag van jou?
- ToekomsVenster is ʼn daaglikse boodskap om individuele gelowiges toe te rus met praktiese geloofsvaardighede. Kleingroep-begeleidings, DVD’s en funksionele preeksketse is beskikbaar by Drienie ([email protected]) of besoek www.toekomsvenster.co.za.
