ToekomsVenster: Geld moet spandeer word


geld-klein-geld-finansies

Foto: Pixabay/Pexels.com

“Eet bring plesier, wyn vrolik die lewe op, maar alles kos geld.” – Prediker 10:19

“Alles kos geld.” Hierdie waarheid word ook bevestig met alledaagse uitlatings soos “die lewe is duur,” “’n mens kan niks sonder geld doen nie” en “niks is verniet nie.” Dus is dit van kritiese belang dat my geld, of dan my inkomste en uitgawes, bestuur moet word.

Raak prakties

Om finansieel verantwoordelik te wees, vra dat ’n mens met ’n finansiële plan moet werk. Hierdie plan word ’n begroting genoem wat jou help om jou inkomstes en uitgawes te bestuur.

Iets om oor na te dink

Die meeste mense spandeer na skool hulle hele lewe in die ekonomiese wêreld waar geld gemaak en spandeer word. Tog weet ek van geen skool wat kinders vir hierdie wêreld voorberei nie. Dit beteken dus dat die onus op jouself rus om jouself te skool in hierdie belangrike wêreld. Wat het jy al in terme van hierdie uitdaging gedoen om jouself te skool in die finansiële wêreld? As jy suksesvol in die ekonomiese wêreld is, het jy al ander daarmee gehelp?

Gebed

Here, baie dankie vir dit wat ek verdien. Ek bid dat U my sal help om verantwoordelik met my geld te werk.

  • ToekomsVenster is ʼn daaglikse boodskap om individuele gelowiges toe te rus met praktiese geloofsvaardighede. Kleingroep-begeleidings, DVD’s en funksionele preeksketse is beskikbaar by Drienie ([email protected]) of besoek www.toekomsvenster.co.za.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.