Van sy ouers kan iemand ’n huis en besittings erf, maar ’n verstandige vrou is ’n geskenk van die Here. – Spreuke 19:14
Ds. Jannie Pelser van die ToekomsVenster-inisiatief vra dat jy vandag so oor jou huwelik en lewensmaat moet bid: “Here, maak my dankbaar vir die gawe van my huweliksmaat. Hou my getrou aan my lewensmaat. Bewaar huwelike en gesinne in ons samelewing, deur die krag van u Gees. Amen.”
Raak ook prakties en skryf ’n brief aan God om dankie te sê vir jou huweliksmaat. Gee dit dan aan jou man of vrou.