As getuies van die oop graf (in die geloof) staan ons voor dieselfde opdrag wat die vroue ontvang het. “Hy gaan julle vooruit … soos Hy vir julle gesê het.” Die Bybelse getuienis aangaande Jesus is waar. Hy het opgestaan. As dissipels van Jesus vertel ons dit in 2016 vir ander mense. Ons word verseker van sy teenwoordigheid, beskerming en begeleiding (“alle mag in die hemel en op aarde is aan My gegee … en weet Ek is met julle tot aan die voleinding van die wêreld” – Matteus 28:19).