Psalm 89:8 – “Hy is God, vir Hom het die hemelse vergadering ʼn heilige ontsag. Hy is magtig, gevrees onder almal rondom Hom.”
Die ou vertaling het gesê die vrees van die Here is die begin van wysheid. Uiteraard nie ʼn vrees wat intimiteit met jou Vader uitsluit nie. Hy is Abba Vader. Hy nooi ons uit tot ʼn Vader-kind-verhouding waarin sy liefdeshart vir ons ontsluit word.
Tog het daar myns insiens iets van die vrees vir en van die Here verlore gegaan. Familiariteit is ʼn gevaarlike ding. Dit laat ʼn mens vergeet met wie jy te doen het. Daar is grense wat eerbiedig moet word. In hierdie geval die grense tussen die Skepper en skepsel. Soos Hy, maar nie Hy nie. Beelddraer, maar nie God nie. Afhanklik, klein, voorlopig, nietig, aangewese, noem maar op. Nederigheid is gepas vir ʼn kind van die Here. Ontsag is die Woord wat die Bybel gebruik. Kom ons buig in dankbare verwondering en aanbidding.
- Bel Drienie by 011 665 2017 of besoek ons by www.toekomsvenster.co.za asook www.toekomsvenster.bybelmedia.org.zavir inligting oor ʼn verskeidenheid stiltetydhandleidings, kleingroep-DVD asook preeksketse vir leraars en gemeentes.
My Pa is die sterkste.
My Pa is die grootste.
My Pa is die slimste.
My Pa is die rykste.
My Pa is ook jou Pa.