“So moet julle bid: Ons Vader wat in die hemel is, laat u Naam geheilig word;” – Matteus 6:9
In antwoord op die versoek van Jesus leer Hy hulle die Onse Vader gebed. Jesus sê jy kom soos ʼn kind, onopgesmuk, eerlik en opreg. Jy praat met jou hemelse Pa. Jy erken dat Hy bo alles en almal is. Hy is verhewe, Hy is heilig. Jy nader Hom met respek en eerlikheid. Jy weet dat Hy in die hemel is. Tog praat jy met Hom nie net asof Hy sommer hier by jou is nie maar omdat Hy hier by jou is. Nader as die plafon. Jy mik te ver. “Sommige mense sê mos my gebede “slaan teen die plafon vas”.
Kom af, nader, na binne. Posisioneer Jesus op ʼn stoel naas jou as jy wil. Kyk in die oë van die Vader. Bewonder sy goedheid en guns. Sê vir Hom hoe jy oor Hom voel. Kuier gemaklik en met die regte gesindheid. Waag dit om te glimlag, te huil, te baklei as dit moet. Hy verstaan.
Hy is ʼn Vader.
Hy is Abba Vader, God met ons.
Hy is nader as jou volgende asemteug.
- ToekomsVenster is ʼn daaglikse boodskap om individuele gelowiges toe te rus met praktiese geloofsvaardighede. Kleingroep-begeleidings, DVD’s en funksionele preeksketse is beskikbaar by Drienie ([email protected]) of besoek www.toekomsvenster.co.za.
AMEN
dankie en amen
Here Jesus al die lof en eer kom U toe U het die weg gebaan dat ek in gebed by U kan kom kniel. Dankie Abba Vader dat U wat alles weet my nog steeds net so lief het. amen