Foto: Danielwhyte3.com
Nee, beywer julle allereers vir die koninkryk van God en vir die wil van God, dan sal Hy julle ook al hierdie dinge gee. – Matteus 6:33
Ons moet die konteks van hierdie woorde in ag neem. Jesus verduidelik in die Bergrede wat die gebed, “Laat u koninkryk kom, laat u wil geskied”, beteken. Hy benadruk dat ons enkelvisie moet hê. Ons kan nie twee gode dien nie (6:24). Dis God of onsself. Ons skeppingsdoel is om ons te beywer vir sy koninkryk en sy geregtigheid (Matt 6:33).
Elkeen wat so lewe, het die versekering dat Hy sal voorsien in ons behoeftes.
