“So moet julle bid: Ons Vader wat in die hemel is, laat U Naam geheilig word; laat U koninkryk kom; laat U wil ook op die aarde geskied, net soos in die hemel.” – Matteus 6:9-10
Jesus leer Sy dissipels dat die eerste belangrike saak van gebed is dat gebed om ’n verhouding gaan. Ons is in verhouding met mekaar en ons is in verhouding met ons Vader.
Hierin lê die kosbare ruimte van die gebed: As gelowiges kan ons die heilige plek van God se teenwoordigheid betree, die veiligste plek vir ons volledige menswees, en ons kan onsself ontbloot in denke, emosies, drome en vrese, met dié wete dat Hy wat werklik goed is, Hy wat werklik heilig is, by ons is.
Delf dieper
Lees Romeine 11:33-36 hardop in antwoord op vandag. Wat druk die Here vandag op jou hart? Hoe wil jy daarop antwoord?
- ToekomsVenster is ʼn daaglikse boodskap om individuele gelowiges toe te rus met praktiese geloofsvaardighede. Kleingroep-begeleidings, DVD’s en funksionele preeksketse is beskikbaar by Drienie ([email protected]) of besoek www.toekomsvenster.co.za.