Lees Matteus 6:9
Mense vind dit dikwels moeilik om te verstaan wat dit beteken om aan jouself te ‘sterf’, of om jou ‘kruis op te neem’. Wanneer ons egter na die oorhoofse temas van die Bybel kyk, word dit baie duidelik. Ons is geskep as God se verteenwoordigers. Dit beteken ons is veronderstel om sy Naam groot te maak, sy koninkryk te dien en sy wil te doen. Die versoeking om self soos God te wees het egter meegebring dat ons net vir onsself wil leef. Om te sterf aan jouself beteken dus onder meer dat jy moet sterf aan jou begeerte om self ‘n ‘godjie’ te wees wat net vir jouself leef en na jouself omsien, en dat jy weer sal begin leef as God se verteenwoordiger.
Ek glo dit is waarom Jesus sy dissipels geleer het om hulle gebed op dié manier te begin. Dit gaan oor die hart van die dinge waaraan ons vasklou en wat ons moet afsterf om weer te kan leef as sy verteenwoordigers.
DANKIE !!
Hierdie woorde is so waar en ons almal is hieraan skuldig. Hierdie artikel dink ek sluit goed aan by die een van Hugo.