Die geskiedenis verdeel tyd in voor en ná Christus in. Die koms van Jesus na die aarde is ʼn dramatiese gebeurtenis wat die lewe op aarde onomkeerbaar beïnvloed. Ook in die lewe van ʼn gelowige is daar sprake van ʼn voor- en ná-Jesus-ervaring. Die voor-Jesus-seisoen word dikwels gekenmerk deur sonde en selfgesentreerdheid.
As die ontmoeting met Jesus plaasvind, bring dit vir wie hulle daardeur laat verander ʼn splinternuwe seisoen mee. Wie in Hom glo, word nie veroordeel nie, lui die Johannes-verslag in hoofstuk 3. Wie egter nie glo nie, is reeds deur hul eie ongeloof veroordeel.