ToekomsVenster: Om soos Christus ʼn brugbouer te wees

Foto: Timokefoto/Pixabay.com

Lees: 2 Korintiërs 5:17-21:

“¹⁷Iemand wat aan Christus behoort, is ‘n nuwe mens. Die oue is verby, die nuwe het gekom. ¹⁸Dit alles is die werk van God. Hy het ons deur Christus met Homself versoen en aan ons die bediening van die versoening toevertrou. ¹⁹Die boodskap van versoening bestaan daarin dat God deur Christus die wêreld met Homself versoen het en die mense hulle oortredinge nie toereken nie. Die boodskap van versoening het Hy aan ons toevertrou. ²⁰Ons tree dus op as gesante van Christus, en dit is God wat deur ons ‘n beroep op julle doen. Ons smeek julle namens Christus: Aanvaar die versoening met God wat Hy bewerk het! ²¹Christus was sonder sonde, maar God het Hom in ons plek as sondaar behandel sodat ons, deur ons eenheid met Christus, deur God vrygespreek kan wees.”

Gebed:

O Here, maak ook van my ʼn brugbouer; in my gesin, by die werk, sowel as in die breë samelewing, waar ek ook al kom.

Leefwyse:

Om vrede te kan uitstraal, moet ʼn mens vrede in jou eie hart en in jou eie lewe hê. Neem een dag op sy eie: hoe kan ek vandag ʼn brugbouer wees?

Om oor na te dink:

Die versoeningsboodskap hoef nie altyd met woorde gebring te word nie. Dikwels is gebare en dade – soos in Newbigin se verhaal – baie meer effektief. Wat sê dit vir jou ten opsigte van jou eggenoot, jou naaste familie en kollegas by die werk?

• ToekomsVenster is ʼn daaglikse boodskap om individuele gelowiges toe te rus met praktiese geloofsvaardighede. Kleingroep-begeleidings, DVD’s en funksionele preeksketse is beskikbaar by Drienie ([email protected]) of besoek www.toekomsvenster.co.za.