Ons het net die grootste respek en agting vir die Woord van die Here. Sommige gemeentes het die gewoonte dat lidmate vir die lees van die Bybel staan uit respek vir die Woord van God. Die Woord is relevant vir alle tye.
Ek hoef jou nie daaraan te herinner dat Suid-Afrika baie uitdagings het nie. Ons lees en sien dit op die nuus en op verskeie ander plekke.
Ons kinders vra vrae en ons gesels daaroor wanneer ons as vriende saam kuier.
Daar is mense wat sê, “ek laat my nie deur die nuus intimideer nie”.
God wil dalk nie hê dat ons “geïntimideer” moet voel met die gebeure van die dag nie, maar dat ons dit moet interpreteer en oorweeg. Ons moet vra wat die Here van ons mag verwag gegewe die omstandighede.
Instansies van die wêreld, verteenwoordigend van die politiek, ekonomie, en sosiale orde dink gereeld na oor wat die toekoms van ons gaan vra en kry hul beplanning in plek.
Ek wonder of die kerk somtyds agter bly en dat die agenda van kerklike vergaderings nie altyd konteks relevant is nie.
Ons leef in ʼn getraumatiseerde land maar sukkel om twee scenario’s by mekaar uit te bring.
Op weg na ateljee sien ek baie motors, robotte werk, mense stap met sonsambrele omdat dit heerlik warm is. In die winkelsentrums doen mense inkopies, skoolkinders is op skool en ons studente word toegerus vir die lewe.
Dit lyk of alles mooi aan die gang is en asof daar niks skort nie. Ons is vir dié positiewe dinge baie dankbaar.
Daar is egter ook ʼn ander konteks. Een van hartseer, pyn, teleurstelling, werkloosheid, moord, bedrog en xenofobie, noem dit maar op.
Hoe om die twee wêrelde bymekaar te trek is ʼn grootse uitdaging. Soos met die een moet ons ook met die ander met God in gesprek tree.
- ToekomsVenster is ʼn daaglikse boodskap om individuele gelowiges toe te rus met praktiese geloofsvaardighede. Kleingroep-begeleidings, DVD’s en funksionele preeksketse is beskikbaar by Drienie ([email protected]) of besoek www.toekomsvenster.co.za
Here ek weet dat U allomteenwoordig is , selfs in ons stukkende wereld…..dankie Here vir U Woord..vir ons Trooster die Heilige Gees wat in ons woon. Versterk so ook ons lam kniee….in Jesus naam
Dankie Here vir U Liefde en Genade
Dankie vir nuus berigte ,dit maak die geeslike oe oop dat christene daaroor kan bid en terugkeer U toe ….sien waarheid waarop ons lewe asook kan voorberei volgend woord.
Daar is verskeie gode/spoke. Ek is die enigste wat kan praat/post