Fokus vandag op waar jy God nou beleef. Ds. Jannie Pelser gesels vandag verder in die daaglikse ToekomsVenster-inisiatief oor hoe verskillende persoonlikhede God ontmoet en beleef.
Mense versamel en verwerk inligting op verskillende maniere. Sintuiglike of sensoriese mense ervaar God deur die konkrete en die spesifieke. Gereelde sistematiese studie en stap-vir-stap metodes vir geestelike groei “werk” vir hierdie mense. Hulle beleef hulle spiritualiteit hier en nou in die belofte van die ewigheid.
Gelowiges wat intuïtief waarneem sien God deur paradokse en misterie. Vernuwende geestelike aktiwiteite en innoverende dissiplines “werk” vir mense met hierdie persoonlikheidstipe. Hulle leef met ‘n visie na die ewigheid toe en is nou en dan in die hier en nou.