Foto: pixabay.com
Ons het immers almal gesondig. Ons almal het God beroof van die eer wat Hom toekom. Maar nou spreek God ons in sy genade vry op grond van die verlossing wat Christus Jesus vir ons verkry het – en dit sonder enige verdienste van ons kant. (Romeine 3:23-24)
Dit sal met jou gebeur, soos met omtrent almal: Jy sal skielik besef jy is verder van God af as wat jy moet wees. Dit bekommer ’n mens, en maak jou dalk selfs bang. Moenie daardie waarskuwingstemmetjie ignoreer nie. Vind uit wat gebeur het: Was dit bloot omdat jy nagelaat het om tyd te maak vir God, of is dit as gevolg van ’n sondige gewoonte waarvan jy nie wil afsien nie? Eers as jy kan erken wat jy gedoen het, kan jy dit voor God bely, en eers as jy dit voor Hom bely het, kan jy vergewe word en kan jou verhouding met Hom herstel word.
Gaan jy vandag nader aan God beweeg, of verder van Hom af weg?
Nader my God by U.
Dank God vir Sy ongelooflike genade
Dankie Here Jesus U die sondelose het in my plek gesterf….ek niks doen om dit ooit te verdien nie….Amen
Amen so waar