Foto: pixabay.com
Ek kwyn weg van kommer, skenk my krag soos U in u woord beloof het. (Psalm 119:28)
Dawid was baie keer bekommerd; daar was dosyne dinge wat in sy lewe verkeerd geloop het. Hy moes dikwels vlug vir sy vyande en het in groot gevaar verkeer. Maar Dawid het geweet by wie hy om hulp kon aanklop en in sy psalms getuig hy dat God hom elke keer gehelp het.
As daar dinge in jou lewe is waaroor jy bekommerd is, probleme waarvoor jy nie oplossings het nie, gaan vertel hulle vir die Here; Hy sal vir jou die krag gee om hulle op te los.
Die werklike oorwinning oor kommer is die oorwinning wat ons slegs kan leer aan die voete van Een wat nooit besorg was nie, hoe swaar belas Hy ook al was. ~ Ralph Heinen
Dankie Here dat U alles van my weet…dat U elke storm ken en my daardeur lei….ek skuil by U in vertroue en in Jesus se kosbare Naam