Krag word nie in spiere en ’n magsvertoon gevind nie, maar in die eenvoud van God. God se grootste magsvertoon was in die vorm van ’n lam – die Lam van God. God ken die Weg en Hy lei ons na ware lewe as ons daarop wil wandel.
Die Gees wat julle ontvang het, is nie ’n Gees wat weer van julle vreesbevange slawe maak nie. Julle het die Gees van ware kindwees ontvang en deur hierdie Gees roep julle uit tot God: Abba – ons Vader. (Romeine 8:15)
Omdat julle God se kinders is wat Hy liefhet, moet julle sy voorbeeld volg. Ja, leef ’n lewe van liefde soos ook Christus ons liefgehad het deur Homself vir ons oor te gee as ’n lieflike reukoffer aan God. (Efesiërs 5:1-2)