Here, U sal u doel met my bereik, want u troue liefde, Here, ken geen einde nie. Moenie die werke van u hande laat vaar nie. (Psalm 138:8)
As alles voor die wind gaan, is dit die heel beste tyd om jou beleid oor moeilike tye te bepaal. Teleurstelling of tragedie kan jou immers uiters alleen en ongeliefd laat voel, en dit help nie dan om die waarheid aan jouself te verkondig nie. Wanneer jy alleen voel – of dalk regtig alleen is – moet jy ’n dik, sagte laag soliede waarheid hê waarop jy tot rus kan kom.
Sal jy saam met die psalmis glo dat God jou nie verlaat het nie en ook nooit sal nie, maak nie saak hoe dinge vanuit ’n aardse perspektief lyk en hoe jy voel nie? Hy het jou geskep en Hy het planne vir jou lewe. En omdat sy troue liefde ewigdurend is, sal Hy die plan en doel met jou lewe tot vervulling laat kom.
Jy moet ook vroegtydig weet dat God se planne byna verseker heeltemal anders as joune sal lyk. En omdat Hy beide die verlede én die toekoms kan sien, en Hy terselfdertyd binne en buite tyd staan, kan jy vertrou dat Hy weet wat Hy doen.
Sal dit jou dag mooier maak om te weet dat God jou nie verlaat het nie, maar net besig is om sy plan vir jou noukeurig uit te werk?
Skepper-God, ek is so bly dat my lewenskoers nie van mý afhang nie. Laat u wil geskied. Amen
Pastoor bid vir my ma ernstig sy het kanker asseblief.