Moenie sondig as jy ontsteld is nie. Oordink dit in die nag op jou bed en wees rustig. (Psalm 4:5)
Die lewe van ons dag eis luidkeels optrede en aksie. Alles word volgens resultate beoordeel en daar is weinig tyd vir bepeinsing. Om in stilte te gaan sit en te bid of te mediteer pas nie in by die vinnige pas van vandag nie.
Wanneer jy as Christen egter jou denke tot beskikking van die Heilige Gees stel, is jy verbind aan ’n kreatiewe mag wat alle menslike vermoëns oortref. Die Gees is die groot Inspireerder. Om jou gedagtes oop te stel vir sy heilige invloed en om ontvanklik te wees vir sy in fluisteringe, stel jou in staat om sfere van menslike gewaarwordinge te beleef wat aan jou ongekende insig sal gee.
Gees van God, dankie vir u invloed en leiding in my lewe. Amen.
God, Vader, Seun en Heilige Gees! Help ons! Help ons vandag asseblief. O God, help ons!