Video: Dokter draai baba in stuitposisie om

'n Skermskoot uit die video

‘n Skermskoot uit die video

ʼn Video van ʼn dokter wat ʼn ongebore baba binne enkele minute in die stuitposisie omdraai deur slegs die vrou se maag te masseer, doen weer die ronde op sosiale media.

Dié dokter van die Royal Sussex-hospitaal in Brighton, Engeland, het die baba op 36 weke in die stuitposisie omgedraai.

Die stuitposisie verwys na ʼn baba wat in die baarmoeder met sy voete na onder lê, wat baie komplikasies by geboorte kan veroorsaak.

Dié tegniek waarmee dokters die baba as’t ware in die baarmoeder “omdraai”, staan bekend as ʼn eksterne kefaliese kering (ESV).

Die video is oorspronklik in 2013 op YouTube gelaai, maar het onlangs weer die ronde op sosiale media begin doen. Die video is reeds meer as twee miljoen keer besigtig.

Dr. Patrick O’Brien, woordvoerder van die Royal Sussex-hospitaal, het aan die Huffington Post vertel dié uitvoering was heeltemal veilig.

O’Brien het ook gesê meeste babas lê tussen 37 en 42 weke in die “regte” posisie om gebore te word.

“Die proses is oor die algemeen veilig en veroorsaak nie dat die vrou in kraam gaan nie. Dit is bloot ʼn tegniek waarmee verloskundiges net sagte druk op ʼn vrou se maag toepas sodat die baba in die baarmoeder kan draai,” het hy gesê.

O’Brien sê die tegniek moet egter net deur dokters uitgevoer word en dat dit net op 50% van alle vroue effektief is.

Bron: Huffington Post

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

MissDemeanor ·

Ek moes ook gaan vir dit…maar dit was vrek seer en my baba het nie gedraai nie, sy is toe 2 weke later met ‘n nood-keisersnee gebore.

Inge ·

Ek moes ook vir dit gaan, dit was regtig seer, dit het wel vir my gewerk, gelukkig!

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.