Die jaarlikse Cancer.vive-uittog is om die draai en vanjaar word daar weer beplan om 2 500 km op motorfietse aan te pak, alles ter bewusmaking van en opvoeding oor kanker.
Maroela Media het met ʼn paar mense wat betrokke is by Cancer.vive gesels. In deel 1 gesels ons met twee ondersteuners van die projek, Charmaine Rider en Juaan Taute, oor hoe hulle betrokke geraak het by Cancer.vive en hoe kanker hul lewe geraak het. Juaan is nie net ’n ondersteuner van dié projek nie maar ook Cancer.vive se bedryfsbestuurder.
Cancer.vive is deel van die organisasie People Living with Cancer. Die span wat deelneem aan die uittog bestaan onder andere uit 25 mense wat die stryd teen kanker gewen het en 10 ondersteuners van die projek.
Op Vrydag 4 September plaas Maroela Media deel 2 van die onderhoude waarin ons met twee mense gesels wat self deur ʼn stryd met kanker is.
Die Cancer.vive-uittog vind vanjaar van 10 tot 20 September plaas.
Besoek gerus Cancer.vive se Facebook-blad vir meer inligting.
Wanneer (datums) vind die uittog plaas en ook die roeteprogram ?
Dagsê Peet
Dankie vir jou navraag. Die uittog vind van 10 tot 20 September 2015 plaas.
Daar is ‘n kalender op Cancer.vive se webwerf: http://www.cancervive.co.za/ Besoek dit gerus vir meer inligting oor die roete.
Groetnis
Suné
nms Maroela Media