Volg dié wenke om gehidreer te bly in die somerhitte

Dit is baie belangrik om gehidreer te bly in die warm somerhitte. Foto: Argieffoto.

Dit is baie belangrik om gehidreer te bly in die warm somerhitte. Foto: Argieffoto.

Wanneer dit uitermatig warm is in die somer, is dit nie net belangrik om gesonde leefstylkeuses te maak nie, maar ook om daagliks gehidreer te bly. Lynette Erasmus, ʼn kliniese dieetkundige, het aan Maroela Media verduidelik hoe om gehidreer te bly.

Dit hoef nie ʼn straf te wees om gehidreer te bly hoef nie, sê Lynette. Daar is baie maklike maniere om water by jou alledaagse lewe en dieet te voeg.

Hoe kan ek slim keuses maak oor kosse wat my ook gehidreer sal hou?

Lynette raai mense aan om druiwe in die vrieskas te sit. Dié vrugte vries nie kliphard nie en is lekker om te eet wanneer dit yskoud is. Vrugte hidreer jou ook baie goed. Eet ook baie vrugte en kosse met ʼn lae GI omdat dit jou langer gehidreer kan hou. “Jy kan ook jogurt, kersietamaties en slaaie byderhand hou vir peuselhappies.”

Wat van koffie?

Probeer om nie meer as drie tot vier koppies koffie per dag te drink nie. Lynette beklemtoon daar is nie ʼn verskil tussen moerkoffie of poeierkoffie nie. “Ek raai mense ook altyd aan om altyd ʼn glas water te probeer drink voordat hulle ʼn koppie koffie drink. Dan voel jy nie so geïntimideer deur ʼn groot bottel water nie.”

Mag ek oefen?

Omdat mens baie vloeistof verloor wanneer jy oefen, raai Lynette aktiewe mense aan om eerder te gaan draf wanneer dit nie meer so warm is nie. Jy moet ook altyd verseker dat jy ʼn bottel water byderhand het.

Lynette se top-vyf wenke om gehidreer te bly in die hitte:

  1. Bly weg van alkohol en te veel koffie.
  2. Eet baie groente, vrugte en slaaie.
  3. Eet meer laevetprodukte.
  4. Drink ten minste ses tot agt glase water per dag.
  5. Oefen in die aande wanneer die ergste hitte verby is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.