Leefstyl

Christus het ons vrygemaak om regtig vry te wees. Hou vas aan hierdie vryheid. Moet dit vir niks ter wêreld prysgee nie. Moenie toelaat dat ander mense julle weer slawe van hulle skewe sienings maak nie. (Galasiërs 5:1, Die Boodskap)

So ver as die ooste is van die weste, so ver verwyder Hy ons oortredings van ons. (Psalm 103:12)

As ons optrede egter van die lig getuig, leef ons soos Hy wat in die lig is en het ons volledig deel aan mekaar, en die bloed van Jesus, sy Seun, maak ons skoon van elke sonde. (1 Johannes 1:7)

Ek het my oortredings bely, my sonde nie weggesteek nie. Ek het gesê: “Ek bely my opstand teen die Here.” En my sonde en oortredings het U vergewe. (Psalm 32:5)

As daar trane oor hulle wange loop, sal God self dit afdroog. Niemand sal meer daar doodgaan nie. Niemand sal hartseer wees of pyn ken nie. Hierdie slegte dinge van voorheen sal vir ewig en altyd verby wees. (Openbaring 21:4, Die Boodskap)

As die Seun julle dus bevry, sal julle regtig vry wees. (Johannes 8:36)

Elkeen wat nie die Seun erken nie, het ook nie deel aan die Vader nie. Elkeen wat die Seun egter erken, het ook deel aan die Vader. (1 Johannes 2:23)

Die Here, ons God, ontferm Hom oor ons en vergewe ons, selfs al het ons teen Hom in opstand gekom. (Daniël 9:9)

Die Here se getroue liefde hou nooit op nie; daar is geen einde aan sy meegevoel nie. Dit is elke môre weer nuut. Sy getrouheid is oneindig groot. (Klaagliedere 3:22-23, Die Lewende Bybel)