Maroela se Herman Toerien oor sy kankerpad: ‘Vir húlle wil ek aanhou lewe’

Terwyl jy Herman Toerien se nuuskommentare lees, sal jy nooit raai dat dosyne van dié artikels die afgelope drie jaar vanuit ʼn hospitaalbed geskryf is nie. Dat sy dinkwerk wat so kalm en deurdag voorkom, dikwels saamgestel is te midde van chemoterapiesessies en ander behandelings en medikasie wat hom behoorlik uitgemergel het.