In vandag se Allegaartjie vertel Hans du Plessis watter André P Brink boeke jy moet lees. Pieter-Dirk Uys gesels oor sy nuwe interaktiewe verhoogproduksie, waar jy die aand se stories kan kies, en ons kuier saam met die gewilde Bobby van Jaarsveld.
Allegaartjie 2 – Program 64
In hierdie Donderdag se Allegaartjie gesels Susan Lombaard en Lani Snyman oor die verskillende maniere waarop jy koffie kan maak. Ilze Nieuwoudt vertel ons meer oor die Vrouemonument in Bloemfontein en ons kuier ook by die flambojante pianis, Rocco de Villiers.
Allegaartjie 2 – Program 63
Burger Meyer gesels met Jo-Marie Rabie oor oudhede, ons kuier by Valiant Swart wat ons meer vertel van die reisprogram, Mooiloop, en ons gesels met Zane Meas oor sy nuwe rolprent wat handel oor vaderskap.
Allegaartjie 2 – Program 62
In vandag se Allegaartjie verduidelik Marlize Grobbelaar waarom ʼn aktiewe leefstyl vir jong kinders so belangrik is. Susan Hepple gesels oor die denkfunksies van die brein en ons vertel jou meer oor Jesus, ʼn nuwe Afrikaanse musiekblyspel.
Allegaartjie 2 – Program 61
In hierdie Maandag se aflewering van Allegaartjie gesels Karin Venter met ʼn webontwikkelaar in Bobaasberoepe. Helen Ueckermann gee raad oor hoe om uit jou skuldsituasie te kom en Annelize Brits gesels met ʼn arbeidsterapeut oor siggestremde babas.
Allegaartjie 2 – Program 60
In hierdie Allegaartjie verduidelik Hans du Plessis waarom Karel Kielblock se boeke op jou ‘moet-lees’ lysie moet wees. Jaco Jacobs gee ons ʼn uitgewer se siening oor Afrikaanse kinder- en jeugboeke en ons vertel jou meer van Helpende Hand se Projek Leerkrag.
Allegaartjie 2 – Program 59
In vandag se Allegaartjie vertel Lani Snyman jou hoe om ʼn lekker koppie koffie tuis te maak. Ons gesels met Ilze Nieuwoudt oor die geskiedkundige besienswaardighede in Suid-Afrika en Anton Botha vertel ons meer oor sy nuwe orkes.
Allegaartjie 2 – Program 58
In hierdie Woensdag se Allegaartjie bring ons jou die laaste aflewering van ons gespreksreeks oor Demensie en Alzheimers. Ons gesels met die skrywer Louise Prinsloo oor haar boek ‘Kerkenberg tot Bloedrivier’ en kuier by Corlea Botha van De La Creme.
Allegaartjie 2 – Program 57
In vandag se Allegaartjie vertel Marlize hoe jy tuis kan oefen om jou rug te versterk. Susan Hepple van Neurolink bespreek stres se invloed op jou breinkrag en ons gesels met Corrie Smith oor haar projek wat ʼn mediasentrum in Hoedspruit red.
Allegaartjie 2 – Program 56
In hierdie Maandag se Allegaartjie vertel Karin Venter jou meer oor ʼn grafiese ontwerper se beroep in Bobaasberoepe. Ons begin ʼn nuwe gesprekreeks oor persoonlike finansies en kuier by vanjaar se Mej. Suid-Afrika, Marilyn Ramos.
Allegaartjie 2 – Program 55
In hierdie Vrydag-aflewering van Allegaartjie verduidelik Hans du Plessis hoekom Dolf van Niekerk se boek, Die Son Struikel, een van sy gunsteling boeke. Ons kuier by die sanger Marinus van Rooyen en bring vir jou ʼn verslag van Ghoema-toekennings.
Allegaartjie 2 – Program 54
In vandag se Allegaartjie bring ons vir jou ʼn dubbeledosis gesprekke oor koffie – ons vertel jou alles oor die opleiding van baristas en gesels dan met ʼn man wat sy liefde vir ʼn goeie koppie boeretroos met Afrikaans gekombineer het om sy eie besigheid te begin. Ons kuier ook by die sprankelende Rinél Day, wat ons meer vertel oor haar sangloopbaan.
Allegaartjie 2 – Program 53
In hierdie Woensdag se Allegaartjie bespreek ons persoon gesentreerde versorging in ons gespreksreeks oor Alzheimers se siekte. Ons vertel jou meer oor Kraal-uitgewers se skoene-projek en gesels met Surika Beherns van PEN oor ʼn nuwe opleidingsentrum in die hoofstad.
Allegaartjie 2 – Program 52
In vandag se Allegaartjie bespreek die fisioterapeut , Marilize Grobbelaar, oefening wat jy in jou kantoor kan doen. Ons kyk ook na die agt breinbeginsels en hoe jy dit in jou daaglikse lewe kan toepas en gesels met Hein Scholtz oor sy kookboek.
Allegaartjie 2 – Program 51
In hierdie Maandag aflewering van Allegaartjie kyk Karin Venter na ʼn predikant se roeping in Bobaasberoepe. Ons vertel jou meer oor die Wêreldwyd-projek en kuier by die skrywer van die [email protected], Carina Diedericks-Hugo.
Allegaartjie 2 – Program 50
In vandag se Allegaartjie gesels Inge Strydom met die sangpaar Vivere. Hans du Plessis en Theresa Papenfus bespreek die Afrikaanse spanningsverhaal genre en ons kuier by Shannon Page wat die Highs School Superster talentkompetisie gewen het.
Allegaartjie 2 – Program 49
In hierdie Donderdag se Allegaartjie vertel ons jou meer oor die kompetisies vir baristas in ons koffiereeks. Daar is ook binnekort ʼn nuwe realiteitskookprogram met die naam Kokkedoor en ons gesels met die aanbieder en beoordelaars en ons praat met Michelle Botha en Edrien Erasmus oor die zef rap-groep, Die Vraag.
Allegaartjie 2 – Program 48
In vandag se Allegaartjie bespreek Denise Fredericks die versorgingsopsies vir pasiente in ons gesprekreeks oor Alzheimers en Dementia. Ons gesels ook weer met die Botha-broers van die ontwerpersetiket, F Wilson Mode, oor die Las Vegas Modeweek en vertel jou meer van vanjaar se Lekkerlit-kompetisie.
Allegaartjie 2 – Program 47
In ons Dinsdag-aflewering van Allegaartjie bespreek Marilize Grobbelaar die effek van ʼn langdurige sittery op die liggaam en sy gee ook wenke oor wat jy kan doen om dié effekte te voorkom. Susan Hepple bespreek neuronbane in ons gesprekreeks oor breinkrag en Burger Meyer gesels met ʼn animasie-ateljee oor nuwe tegnologie wat voordele inhou vir Suid-Afrika se rolprentbedryf.
Allegaartjie 2 – Program 46
In hierdie aflewering van Allegaartjie gesels Karin Venter met ʼn brilopmaker oor die optometrie-veld in Bobaasberoepe. Ons kuier ook by die sanger, Johan van der Merwe, en gesels met Sarel Fourie oor sy musiek en oor hoe Chris Chameleon sy rol vertolk het.
Nuus oor die koronavirus
Sien ook die regering se amptelike webwerf by sacoronavirus.co.za