Resep: Beet-en-balsamiese asyn- marmelade

Beet-en-balsamiese asyn- marmelade (Foto: Lapa-uitgewers)

Bottel hierdie heerlike beet en haal uit soos nodig.

Lewer 4 x 375 ml bottels

Bestanddele

• 1 kg beet, gaar en gerasper (behou die kookvloeistof)
• 2 groot uie, dun gesny
• 250 g witsuiker
• 125 ml balsamiese asyn
• 75 ml rooiwyn asyn
• 5 jenewerbessies
• 2 lourierblare
• 1 groot takkie vars tiemie

Metode

1. Plaas al die bestanddele, insluitende 200 ml van die vloeistof, in ʼn vlekvryestaalkastrol en roer tot die suiker opgelos het.
2. Verhit tot kookpunt en kook tot die mengsel stroperig is en stolpunt bereik het.
3. Skep in gesteriliseerde bottels en verseël terwyl die mengsel nog warm is. Bedien saam met geroosterde groente, wilds- of varkvleis.

Bron: Koskaskos deur Francois Ferreira

Uitgewer: Lapa