Driekaas-en-drieblaarslaai (Foto: Lapa-uitgewers)
Kikker jou slaai só op!
Lewer 6-8 ruim porsies
Bestanddele
SLAAISOUS
- 50 ml olyf- of sonneblomolie of ½ van elk
- 20 ml witwynasyn of wit balsamiese asyn
- 3 ml sout
- 3 ml mosterdpoeier
- 5 ml suiker
- 5 ml droë gemengde kruie
- gemaalde swartpeper
KAAS
- 100 g feta- of bokmelkkaas, in 1 cm-blokkies gesny
- 100 g haloemi- of mozzarellakaas, in 1 cm-blokkies gesny
- 100 g cheddar- of Tusserskaas, in 1 cm-blokkies gesny
BLARE
- 6-8 jong spinasieblare, gewas en drooggemaak
- 6-8 slaaiblare (enige soort of gemeng), gewas en drooggemaak
- 2-3 babakooltjies, buiteblare verwyder indien nodig
OPDIENING
- vars kruie en babatamaties of Peppadews
- komkommerrepies of -skyfies
Metode
- Meng die slaaisousbestanddele en giet genoeg daarvan oor die kaas om dit oraloor te bedek. Bedek en verkoel minstens een uur of oornag.
- Pak die spinasie- en slaaiblare op mekaar, rol op en kerf in dun repies. Kerf die kool in dun repies en meng al die repies liggies saam. Sprinkel ʼn bietjie van die slaaisous oor en meng liggies deur.
- Voer die slaaibak of plat dienbord met die blaarmengsel en skep die kaas bo-op.
- Garneer soos verkies en sprinkel nog ʼn bietjie slaaisous oor.
Bron: Lekker kuierkos deur Clover
Uitgewer: Lapa
