“Hier’s vir jou ʼn romerige, dekadente doopsous met twee soorte kaas en die pikante soutsurigheid van egte Suid-Afrikaanse Peppadews,” skryf Armand Aucamp in sy resepteboek Armand kook kaal 2.
Bestanddele:
- 100 g mediumvet roomkaas, teen kamertemperatuur
- 3 e Griekse volvet-jogurt
- 6 tot 8 Peppadews, gekap
- 2 fetawiele, gekrummel
- 1 e grasuie, gekap
- varsgemaalde sout en swartpeper
- 50 g okkerneute, baie fyn gekap
Metode:
- Plaas die roomkaas, jogurt, Peppadews, feta en grasuie in ʼn voedselverwerker en pols tot so fyn soos jy dit wil hê. Ek verkies ʼn growwerige tekstuur.
- Geur met sout en swartpeper.
- Roer nou driekwart van die gekapte okkerneute by.
- Skep die doopsous in ʼn mooi bakkie en garneer met die oorblywende okkerneute.
- Sit voor met keto-kraakbeskuitjies (op bladsy 23 van Armand kook kaal Volume 2), groente-crudites of murgpampoentjie-arancini (op bladsy 99 Armand kook kaal Volume 2).
Bron: Armand kook kaal Volume 2 deur Armand Aucamp
Uitgewer: Lapa
Hoe water my mond nou