Resep: Lemoenslaai met uie en olywe

Lemoenslaai met uie en olywe (Foto: Lapa-uitgewers)

ʼn Heerlike somerslaai!
4 porsies

Bestanddele

• 4 middelslag lemoene, geskil en in dun skyfies gesny
• 1 klein koppie krakerige blaarslaai (ysbergslaai), gekerf
• 1 groot ui in dun skyfies gesny
• 125 ml groen olywe, ontpit
• 60 ml olyfolie
• 60 ml vars lemoensap
• ’n knippie sout
• ’n knippie rooipeper

Metode

1. Rangskik die lemoenskyfies bo-op die gekerfde blaarslaai en rond dit af met skyfies ui en olywe.
2. Meng die res van die bestanddele goed en drup dit oor die slaai. Sit dadelik voor.

Bron: Koskas kos deur Francois Ferreira

Uitgewer: Lapa