Resep: Liplekker sjokolade-hummus

Liplekker sjokolade-hummus (Foto: Lapa-uitgewers)

Dié suikervrye happie is heerlik saam met vrugte.
Genoeg vir 4-6 mense

Bestanddele

• 2 blikkies kekerertjies, gedreineer en afgespoel
• 2 e olyfolie
• 1 t woestyn- of pienk sout
• 2 e karamelgeursel
• 2 opgehoopte e kakaopoeier
• 5 e rou heuning
• 2 opgehoopte e amandelbotter

GARNERING

• bessies
• amandelmeel
• kakao
• mentblare

Metode

1. Verwerk al die bestanddele in ’n voedselverwerker tot fyn.
2. Skep dit in ’n mooi bakkie en plaas in die yskas tot gestol.
3. Garneer dit met bessies, amandelmeel, kakao en mentblare.
4. Sit dit voor saam met vars bessies, piesangskyfies, brosbeskuitjies en geroosterde neute.

Bron: Karlien kan nie kook nie deur Izelle Hoffman en Karlien van Jaarsveld

Uitgewer: Lapa