Oor-alles-slaaisous (Foto: Lapa-uitgewers)
“ʼn Ou slaaisousie verander alles – dit maak ʼn slaai onmiddellik nie net eetbaar nie, maar lekker. Die probleem is dat die meeste slaaisouse met hope en hope suiker belaai is. Hier gee ek vir julle ʼn eenvoudige, vinnige slaaisous wat jy by enige slaai kan eet,” skryf Armand Aucamp in sy tweede resepteboek, Armand kook kaal Volume 2.
Lewer 300 ml
Bestanddele
- 1 k olyfolie
- 4 e rooiwynasyn
- 2 t heuning
- 2 t korrelmosterd
- 1 knoffelhuisie, fyngekap
- 2 t gedroogde Italiaanse kruie
- sout en peper
Metode
- Gooi al die bestanddele in ʼn glasbottel, skroef die deksel op en skud baie goed. Jy kan ook alles in ʼn voedselverwerker gooi en goed meng.
Bron: Armand kook kaal Volume 2 deur Armand Aucamp
Uitgewer: Lapa
