Maroela Media-leser Natashia du Plessis sê haar man was die inspirasie vir hierdie resep omdat hy baie van brandrissies hou.
“Ek wou vir hom iets smaakliks, maar tog iets wat ʼn bietjie brand ook maak. Rissies is ryk aan vitamien C, so dit is ook baie gesond,” sê sy.
Bestanddele
- 500 g gerasperde wortel
- 3 mediumgroot uie, fyn gesny
- 20 rooi en groen brandrissies
- 2 k wit asyn
- 1 t sterk kerriepoeier
Metode
- Gooi alles saam in ’n pot en kook tot wortel sag is.
- Bottel die mengsel warm en laat staan minstens ’n week.