Resep: Soetpatats met spek

(Foto: Pixabay)

Maroela Media-leser Nicola Kruyshaar het dié heerlike resep ingestuur. Sy vertel dat haar pa altyd ʼn baie kreatiewe kok was en dat sy dit by hom geërf het. “Hy het soms net goed bymekaar gegooi om te eksperimenteer,” sê sy.

“Ek het sommer eendag die resep uitgedink en was verbaas hoe lekker dit uitgekom het!”

Bestanddele

  • 1 x pak bevrore soetpatatblokkies
  • 1 x pakkie gesnipperde spek
  • botter
  • kaneel
  • bruinsuiker

Metode

  1. Braai die bevrore patatblokkies in botter oor stadige hitte in ’n braaipan tot gaar. Dit neem ʼn rukkie en verg ʼn bietjie geduld. Moenie patats aanbrand nie en moet ook geen water byvoeg nie.
  2. Braai gesnipperde spek tot lekker gaar en bros in ʼn aparte braaipan.
  3. Meng nou die spek (en die spek se olie) by die patats.
  4. Gooi ekstra botter by en meng deur. Gooi suiker na smaak oor, asook ʼn bietjie kaneel. Bedien warm.

Stuur vir ons jóú resep hier!

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

3 Kommentare

jongste oudste gewildste
IZAAN

Klink heerlik! Maar kan ek vars papats ook gebruik?

Andre

Gaan dit probeer kan net lekker wees