Tuisgemaakte macaroni-en-kaas (Foto: Lapa-uitgewers)
Perfek vir aandete vanaand!
Bestanddele
- 500 g (1 pak) macaroni
- 5 ml (1 t) sout
WITSOUS
- 1 ℓ (4 k) Clover-volroommelk
- 125 g (¼ blok) Clover Farmstyle-botter
- 200 ml (½ k) koekmeel
- 250 ml (1 k) Clover-room
- 5 ml (1 t) sout
- 1 ml swartpeper
- knippie rooipeper
- 375 ml (1½ k) Clover- beleë cheddarkaas, gerasper
BO-OOR
- 87 ml (¾ k) Clover- beleë cheddarkaas, gerasper
Metode
- Kook die pasta in borrelende water waarby 5 ml (1 t) sout gevoeg is. Kook tot al dente.
- Dreineer die macaroni. Hou eenkant.
WITSOUS
- Verhit die melk tot warm.
- Smelt die botter in ’n kastrol. Roer die koekmeel by tot glad en sonder klonte.
- Voeg die melk bietjie vir bietjie by terwyl aanhoudend geroer word. Laat kook die witsous oor medium hitte vir ongeveer 3 minute tot dik.
- Verwyder van die hitte. Roer die room, sout, peper, rooipeper en kaas by.
- Roer die gaar macaroni by die witsous.
- Skep die macaroni in ’n groot diep oondvaste bak van ongeveer 22 cm x 32 cm wat met botter gesmeer is.
BO-OOR
- Sprinkel die kaas bo-oor en bak vir 20 minute.
- Plaas onder die oond se roosterelement tot liggoudbruin bo-op.
- Sit warm voor.
Bron: Trooskos
Uitgewer: Lapa
