Hierdie yskastert kan opgedollie word met geklitste room, gerasperde sjokolade of granaatpitte.
Lewer 6 porsies
Kors
- 1 sjokoladerolkoek
Vulsel
- 200 g cappuccino-sjokolade, in stukkies gebreek
- 4 eiers
- 350 g botter, gesmelt
- 375 ml strooisuiker
- 50 g pekanneute, gekap
Metode
- Smeer ʼn tertbak.
- Kors: Sny die rolkoek in skywe en pak onderin die tertbak.
- Vulsel: Smelt die sjokolade in die mikrogolfoond of in ʼn dubbelkoker.
- Klits die eiers, gesmelte botter, strooisuiker en gesmelte sjokolade saam tot glad. Voeg die neute by.
- Giet die vulsel oor die rolkoek en laat oornag in die yskas tot gestol.
- Bedien met geklitse room, gerasperde sjokolade of granaatpitte.
Resep: Lekker & Vinnig Yskasterte uit Vinnig en Maklik Resepte uit Vrouekeur 1, Marlo Carstens
Uitgewer: Lapa
Maroela is daar nie `n leêr waarin ons ons gunsteling resepte kan bêre om later weer op te soek nie. Dit sal mos nou baie gaaf wees.
Dis n blink plan met afskortings vir verskillende disse. Heerlik.