Is jy lief vir ʼn rooiwyn met die geure van peper, bessies en ʼn tikkie Turkse lekkers, dan is die shiraz-kultivar net die een vir jou. En nou het jy die geleentheid om 100 van hierdie gewilde wynsoort by die Shiraz-op-skou te proe.
Esté Meyer Jansen het met die organiseerder van die wynproe, Sandra Lotz, gesels oor die wynproe. Volgens Sandra sal jy nie net die geleentheid hê om die beste 12 shiraz-wyne in die land te proe nie, maar ook te besluit watter geregte hierdie wynsoort die beste aanvul.
- Die Shiraz-op-skou vind Donderdag 18 Junie van 18:00 tot 21:00 by die Kaapstadse konferensiesentrum plaas. Kaartjies kan by Webtickets aangekoop word of besoek shirazsa.co.za vir meer inligting.