Dié drankie is nie net vol vars smake nie, maar bevat ook bestanddele wat sal sorg dat jy versadig voel.
Lewer 1 porsie
Bestanddele
- 1 k vloeistof (koue water, onversoete amandelmelk of melk)
- 50 g bevrore bloubessies
- ½ bevrore piesang
- knippie woestyn- of pienk sout
- 1 t amandelbotter
- 2 t karamelgeursel
- 1 porsie kollageenpoeier (opsioneel)
- 1 porsie plantproteïenpoeier van jou keuse
- 1 e rou heuning
- 1 opgehoopte t kremetartpoeier
- 5-6 mentblare
- ys
AFRONDING
- ekstra bloubessies
- mentblare
Metode
- Verwerk al die bestanddele vir 30 sekondes in ’n voedselverwerker of tot die tekstuur van jou keuse bereik is.
- Dien op met bloubessies en mentblare.
Wenk:
Die kremetartpoeier waarna hier verwys word, is die 100%- natuurlike kremetartpoeier wat in die gesondheidsafdelings beskikbaar is en nie die kaliumbitartraat wat as “cream of tartar” in die bakafdelings beskikbaar is nie.
Bron: Karlien kan nie kook nie deur Izelle Hoffman en Karlien van Jaarsveld
Uitgewer: Lapa