Resep deur Anneke Langham
Ontbyt op ’n stokkie.
Bedien 4, gereed in 10 min.
Bestanddele:
- Dag-oue piesangbrood
- 3 groot eiers
- Halwe koppie melk
- 1t vanielje
- ’n Knypie kaneel
- Botter
- Verskeie vrugte: aarbeie, piesangs, druiwe, bloubessies, opgesny in hap-grootte stukke
- Bamboes-kebabstokkies
- Esdoringstroop
Metode:
Sny brood in 2 cm stukke en sit eenkant. Klits die eiers, melk, vanielje en kaneel saam in ’n vlak bak. Smelt botter oor ’n lae hitte in ’n pan. Doop broodstukkies in die eiermengsel en sit in vooraf verhitte pan. Braai vir ongeveer ’n minuut of tot goudbruin per kant. Ryg die broodstukkies om die beurt met die vrugtestukkies aan die kebabstokkies. Bedien met Esdoringstroop.
Stuur vir ons jou French Toast resep:
Het jy ʼn gunsteling French Toast resep wat jy graag met ons wil deel? Jy staan nie net ‘n kans om wonderlike pryse te wen nie, maar ook om jou resep te sien op die spyskaart by die French Toast Koffie Kafee in Hartbeespoort. Skryf hier in. French Toast die film kan gesien word in teaters vanaf die 24ste April. Lees meer oor die kompetisie hier.