Resep: Anysbeskuit

Anysbeskuit Foto: Skottel en Spens

Anysbeskuit Foto: Skottel en Spens

Bestanddele:
1,5kg bruismeel
1t sout
250g botter of margarien
1,5k suiker
2k melk
3eiers
2-3 e anyssaad

Metode:
1. Voorverhit die oond tot 180°C.
2. Meng die meel en sout en vryf die botter daarin.
3. Maak die melk warm (nie kokend nie) en los die suiker daarin op. Laat die melk staan om af te koel tot louwarm.
4. Klits die eiers op hul eie en dan saam met die melkmengsel. Voeg die vloeistof by die droë bestanddele en meng met ʼn houtlepel. Voeg nog melk by indien die deeg te droog is. Knie dit goed. 5. Plaas dit in drie gesmeerde panne en bak dit vir een uur. Sny na gelang in stukke. Droog dit oornag in die oond teen 90°C.

Resep oorspronklik gepubliseer in die boek Skottel en spens
Uitgewer: Duto Media
Prys: R280-00*
*Prys onderhewig aan verandering

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae