[Resep] Brosbroodvingers

Brosbroodvingers. Foto: Lekker en Vinnig

Hierdie broskoekies is die Maroela Media-span se gunsteling. Ons beveel dié koekies beslis aan!

Lewer ± 40 vingers

Bestanddele:

• 200 ml mielieblom
• 500 ml koekmeel
• 250 ml sagte botter
• 125 ml strooisuiker
• ekstra strooisuiker om bo-oor te strooi

Metode:

1. Voorverhit die oond tot 200 °C en smeer ʼn 28 x 18 cm-bakplaat met botter.
2. Sif die mielieblom en meel twee keer saam.
3. Klits die botter tot lig en donsig en klits die strooisuiker by.
4. Voeg die meelmengsel by en meng goed om ʼn sagte deeg te vorm. Druk die deeg met die vingers in die bakplaat vas en merk lang repe met ʼn skerp mes.
5. Prik die deeg ewe ver uitmekaar met ʼn vurk om patroontjie op die koekies te maak. Strooi ekstra strooisuiker oor en bak 10 minute. Verlaag die temperatuur tot 160 °C en bak nog 20 minute of tot gaar.
6. Merk die repe weer en laat die brosbrood in die pannetjie afkoel. Lig dit versigtig uit en laat dit heeltemal op ʼn draadrakkie afkoel.
7. Verpak dit in lugdigte houers.

Bron: Lekker en Vinnig – Teetydlekkernye
Uitgewer: Lapa
Resep oorspronklik gepubliseer in Spogresepte van die Suid-Afrikaanse Vroue-Landbou-unie.