Resep-video: Gesonder hawermoutkoekies

Gesonder hawermoutkoekies (Foto: Janie Monsieur/Maroela Media)

Geen verfynde suiker, botter of meel.

Lewer sowat 14 koekies
Bestanddele

• 2 ryp piesangs, fyngedruk
• 4 e heuning
• 2 e grondboontjiebotter, teen kamertemperatuur
• knippie sout
• 2 k hawermout

Opsioneel

• sjokoladesplinters (suikervry, indien beskikbaar)
• 1 t versoeter

Metode

1. Meng die piesang, heuning, grondboontjiebotter en sout tot glad. (Opsioneel: Meng die versoeter ook by.)
2. Meng die hawermout in. Vorm balletjies van die beslag met jou hande en plaas op voorbereide bakplaat.
3. Druk die balletjies plat. (Opsioneel: Sprinkel sjokoladesplinters oor of meng dit vooraf by die beslag in.)
4. Bak vir 15 minute teen 180 °C.