Soorte resepte:

Resep: Grondboontjiebotterkoek

Foto slegs ter illustrasie (Foto: Unsplash/David Holifield)

Lewer twee lae van 20 cm in deursnee of drie van 15 cm in deursnee.

Bestanddele

  • 250 ml (1 k) grondboontjiebotter
  • 125 ml (½ k) sagte botter
  • 500 ml (2 k) bruinsuiker
  • 3 eiers
  • 625 ml (2½ k) bruismeel
  • 1 ml (¼ t) sout
  • 312 ml (1¼ k) melk
  • 5 ml (1 t) koeksoda
  • 10 ml (2 t) vanieljegeursel
  • 10 ml (2 t) asyn

Metode

  1. Voorverhit die oond tot 180 °
  2. Klits die grondboontjiebotter, botter en suiker saam. Klits die eiers by.
  3. Sif die bruismeel en sout saam.
  4. Meng die melk, koeksoda en vanieljegeursel. Voeg dit by die meel en meng.
  5. Voeg die grondboontjiebotter-mengsel by. Roer die asyn by.
  6. Skep die beslag in gesmeerde koekpanne en bak dit in die voorverhitte oond – ongeveer 25 tot 27 minute vir die 20 cm-lae en 23 tot 25 minute vir die 15 cm-lae. Toets met ʼn toetspen vir gaarheid. As dit gaar is, sal die toetspen skoon uitkom, anders moet dit nog ʼn paar minute bak.
  7. Laat dit effens afkoel in die panne. Keer dit dan op draadrakkies uit om heeltemal af te koel voordat dit versier word.

Wenk: Met dié resep kan jy ook heerlike kolwyntjies maak.

Bron: Bak dit self deur Marlene Schoeman

Uitgewer: Lapa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.