Rissoles. (Foto: Lapa Uitgewers)
Hierdie versnapering laat beslis die mond water.
Bestanddele
Pasteideeg
- 300 ml water
- 100 ml melk
- 15 g botter
- 2 ml sout
- 250 g koekmeel, gesif
Om rissoles te maak
- 2 eierwitte, liggies geklop
- 100 g gedroogde broodkrummels
- vulsel van jou keuse
Metode
Pasteideeg
- Plaas die water, melk, botter en sout in ʼn kastrol en bring tot kookpunt.
- Haal dit van die stoof af sodra dit kook en meng die meel in.
- Kook weer verder oor matige hitte en roer aanhoudend met ʼn houtlepel tot die meel gaar is. Hou aan met roer totdat die deeg van die kastrol se wande af wegtrek. Dit sal ongeveer 5 minute neem.
- Haal van die stoof af en gaan voort om die deeg te bewerk totdat dit glad is. Laat staan om af te koel.
Om rissoles te maak
- Rol die rissoledeeg uit tot 3 mm dik.
- Gebruik ʼn sirkelsnyer van 5-9 cm in deursnee, sny die sirkels uit en plaas ʼn opgehoopte eetlepel vulsel in die middel.
- Maak die kante van die deeg met ʼn bietjie geklopte eier nat en vou in die helfte. Maak seker dat jy enige lug wat binne-in vasgevang word uitwerk.
- Doop elke rissole in geklopte eierwit en dan in die broodkrummels. Plaas sowat 2 ure lank in die yskas voordat jy dit braai.
- Diepbraai die rissoles in warm groente-olie tot goudbruin en bros.
Bron: Die Suid-Afrikaanse Vis- en Seekoskookboek
Uitgewer: Lapa
Met die lug braaier in die kombuis…. diep braai ons niks meer nie.
Verf net met olie en braai in lugbraaier! Minder olie en minder vetterig.
die deeg gaan nie mooi uitpof nie so dit gaan soos karton smaak.
Dit lyk lekker.