Klein peerkoekies met koffie en sjokolade (Foto: Lapa-uitgewers)
As jy nie klein peertjies in die hande kan kry nie, kan jy ook peerkwarte gebruik.
Lewer 24 koekies
Bestanddele
- 187 ml (¾ k) suiker
- 3 x 424 g blikkies klein peertjies
- 90 ml (6 e) kookwater
- 7,5 ml (1½ t) kitskoffie
- 75 ml (5 e) kakao
- 1 ml fyn kaneel
- 125 ml (½ k) suurroom
- 2,5 ml (½ t) koeksoda
- 125 g (¼ blok) sagte botter
- 250 ml (1 k) strooisuiker
- 2 ekstragroot eiers
- 500 ml (2 k) koekmeel
- 5 ml (1 t) bakpoeier
- knypie sout
Metode
Stel oond op 180 °C.
- Verhit suiker, peertjies en hul stroop tot kookpunt in ʼn groot kastrol.
- Draai hitte laer en laat prut vir 10 minute of tot peertjies maklik met mes deurgesteek kan word. Laat vir 15 minute in stroop afkoel. Dreineer.
- Sny peertjies se onderkante gelyk en hou eenkant.
- Meng water en kitskoffie tot koffie opgelos is. Voeg die kakao en kaneel by en meng goed.
- Roer suurroom by tot mengsel glad is. Hou eenkant.
- Room botter en strooisuiker tot liggeel.
- Klits eiers een-een by. Klits goed na elke byvoeging.
- Sif koekmeel, bakpoeier, sout en koeksoda saam.
- Vou droë bestanddele en koffiemengsel beurtelings by bottermengsel in.
- Skep muffinpapiertjies wat in muffin-pannetjies geplaas is half vol beslag. Plaas peertjie regop in beslag.
- Bak vir 15 minute. Laat effens in muffinpannetjie afkoel. Verwyder koekies versigtig.
- Laat verder op afkoelrak afkoel tot heeltemal koud.
Wenk: Jy kan ook peerkwarte gebruik in plaas van klein peertjies.
Bron: 50 beste gebak uit Vrouekeur deur Marlo Carstens
Uitgewer: Lapa
