Ag nee, daar gaan al die sprake van ʼn dieet. Hoe kan mens nou nee sê vir hierdie lekkerny?
Lewer 12 muffins
Bestanddele:
- 1 k mieliemeel
- 1 k broodmeel
- knippie sout
- 4 t bakpoeier
- 1 e suiker
- ¼ k gerasperde kaas
- 2 uie, gekap en gebraai
- 1 eier
- 1k room
- 1 k melk
Metode:
- Voorverhit die oond tot 200°C en smeer ʼn muffinpannetjie met botter.
- Sif die droë bestanddele saam en meng die suiker, kaas en uie by.
- Kilts die eier, room en melk saam.
- Meng die eiermengsel baie liggies met die droë mengsel.
- Skep in die voorbereide muffinpannetjies en bak vir 20-25 minute. Sit warm voor met botter.
Bron: Proe Pretville
Uitgewer: Lapa
Goeiedag.
Net ‘n versoek – kan julle asb die resepte so maak dat mens dit op een of ander manier ka n druk. Dit is nie almal van ons wat tablette het wat ons kombuis toe kan dra om die lekker goed te maak nie.
Dankiw
Dagsê Willem
Ons moes ongelukkig die funksie wat mens toelaat om teks op die webwerf te kopieer of dat iemand kan regsklik en dan die dokument te kan uitdruk, deaktiveer, aangesien sommige webwerwe ons inligting onregmatig gebruik het.
Jy is welkom om ‘n skermskoot van die resep te maak en dit só in die kombuis te gebruik.
Uiteraard wil ons egter graag hê jy moet die uitgewers ondersteun wat hulle resepte so mildelik gratis aan ons lesers verskaf. Die resepte wat ons publiseer is inderwaarheid ‘n bemarking vir dié wonderlike boeke.
Groetnis
Landi nms Maroela Media