Resep: ‘Net Koffie’ se sjokolade-en-koffie kolwyntjies

‘Net Koffie’ se sjokolade-en-koffie kolwyntjies. (Foto: verskaf)

Versier jou volgende soetgoed-skinkbord met ‘Net Koffie’ se smaaklike sjokolade-en-koffie‑kolwyntjies.

Voorbereidingstyd: 17 min.

Bak tyd: 18 min.

Bestanddele

• ⅔ k volroommelk
• 5 e botter, gesmelt
• 3 e gemaalde koffie
• 1½ t vanielje-ekstrak
• 1 groot eier, liggies geklits
• 2 k meel
• ⅔ k suiker
• ½ k halfsoet sjokoladesplinters
• 2 t bakpoeier
• ¼ t sout
• Baksproei

Metode

1. Voorverhit oond tot 200 °C.
2. Kombineer eerste vyf bestanddele.
3. Skep meel liggies in droë maatbeker en maak met ’n mes gelyk. Meng meel en volgende 4 bestanddele in ’n groot mengbak; meng goed met ’n klitser. Maak ’n holte in die middel van meelmengsel. Voeg melkmengsel by meelmengsel; roer net tot klam.
4. Skep beslag in 12 kolwyntjiekoppies wat met baksproei gespuit is. Bak by 200 °C vir 18 minute of tot gaar. Haal muffins dadelik uit pan; plaas op ’n draadrak om af te koel.

• Net Koffie word op Sondae om 17:30 op kykNET, DStv-kanaal 144, uitgesaai.