Resep: Ontbytkoekies

Ontbytkoekies (Foto: Janie Monsieur/Maroela Media)

Dié koekies is heerlik as ʼn vinnige ontbyt, energiehappie of iets vir die kosblik.

Lewer 15 groot koekies

Bestanddele

• 2 ryp piesangs, fyngedruk
• ½ k heuning
• 1 t vanieljegeursel
• ½ k grondboontjiebotter, by kamertemperatuur
• 1 eier
• knippie sout
• ½ t kaneel
• 2½ k hawermout
• 1 k klapper
• ½ t bakpoeier
• ½ k sjokoladesplinters (opsioneel)

Metode

1. Meng fyn piesang, heuning, geursel, grondboontjiebotter, eier, sout en kaneel saam in ʼn mengbak.
2. Voeg hawermout, klapper en bakpoeier by en meng deeglik. Roer sjokoladesplinters by.
3. Skep lepelsvol op ʼn uitgevoerde bakplaat en maak dit effens plat. Bak vir 15 minute by 180°C.

Wenk: Sjokoladeslinters kan vervang word met rosyntjies.

Resep: Janie Monsieur