Soorte resepte:

Resep: Vanieljekolwyntjies

Vanieljekolwyntjies (Foto: Lapa-utitgewers)

ʼn Basiese kolwyntjieresep wat jy kan opkikker soos jy wil vir kinderpartytjies, ʼn babatee of selfs troues.

Lewer 36 kolwyntjies

Bestanddele

  • 250 g (½ blok) sagte botter
  • 437 ml (1¾ k) strooisuiker
  • 6 ekstragroot eiers
  • 560 g (4½ k) koekmeel
  • 40 ml (2e + 2t) bakpoeier
  • 2,5 ml (½ t) sout
  • 187 ml (¾ k) melk
  • 75 ml (5 e) water
  • 5 ml (1 t) vanieljegeursel

Metode

  1. Stel oond op 170 °
  2. Room botter en strooisuiker tot romerig.
  3. Voeg eiers een-een by en klits goed na elke byvoeging.
  4. Sif koekmeel, bakpoeier en sout.
  5. Meng melk, water en vanieljegeursel.
  6. Meng meelmengsel en melkmengsel beurtelings by bottermengsel tot beslag vorm.
  7. Skep 60 ml (4 e) van die beslag in muffinpapiertjies wat in muffinpanne geplaas is.
  8. Bak vir 12-15 minute.
  9. Plaas kolwyntjies op afkoelrak en laat eenkant tot heeltemal koud.
  10. Versier soos verkies.

Wenk: Hierdie kolwyntjies vries goed.

Bron: 50 Beste gebak uit Vrouekeur deur Marlo Carstens

Uitgewer: Lapa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

2 Kommentare

jongste oudste gewildste
Mad Mike die Rhodesiër

Yum!

Eend Bessinger

Yum yum!